Íbúafundur um almannavarnir í Hveragerði í kvöld

Viðhorfskönnun Capacent árið 2016 var lögð fram á fundi bæjarstjórnar þann 9. febrúar s.l. Í könnuninni er ánægja með þjónustu stærstu sveitarfélaga landsins könnuð. Gerður er samanburður á milli þeirra ásamt því að skoða breytingar frá fyrri mælingum. Á fundinum bókaði bæjarstjórn eftirfarandi: Bæjarstjórn þakkar Gallup fyrir vel unna könnun og greinargott yfirlit sem nýtast mun bæjarstjórn vel við framtíðarstefnumörkun sem miðar að því að bæta í sífellu þjónustu við bæjarbúa. Bæjarstjórn fagnar einnig þeim góðu niðurstöðum sem sjást í könnuninni en ánægja bæjarbúa er meiri nú í nær öllum flokkum en síðast þegar könnunin var framkvæmd. Ennfremur er ánægjulegt að sjá að Hvergerðingar eru meðal ánægðustu íbúa landsins í flestum þjónustuþáttum og skipar sveitarfélagið sér þar í hóp efstu sveitarfélaga ítrekað. Hveragerðisbær er langt yfir meðaltali sveitarfélaga í mörgum þáttum og skipar sér í efsta sæti t.d. hvað varðar málefni eldri borgara, skipulagsmál, menningu og gæði umhverfis svo dæmi sé tekið. En 92% aðspurðra eru mjög eða frekar ánægð með sveitarfélagið sem stað til að búa á. 7% hvorki né og einungis 1% er óánægt með sveitarfélagið sitt. Hefur hlutfall þeirra sem eru mjög ánægðir aukist ár frá ári og er það gleðilegt. Bæjarstjórn lítur á könnunina sem mikilvægt hjálpartæki þegar kemur að forgangsröðun verkefna og hefur tekið tillit til þeirra upplýsinga og vísbendinga sem þarna koma fram. Í ár er ljóst að ánægja með leikskóla hefur heldur dalað og má þar án vafa kenna um fjölgun barna og vöntun á dagvistunarúrræðum. Við þessu er nú verið að bregðast með byggingu nýs glæsilegs leikskóla og því vonum við að á næsta ári muni þess sjá merki í könnun þess árs. Hér má sjá niðurstöður Gallup: http://www.hveragerdi.is/files/589dcd00bf7d1.pdf
Hveragerði. Ljósmynd: Hveragerði.

Almannavarnir verða til umræðu á íbúafundi sem haldinn verður í kvöld þriðjudaginn 12. september kl. 20:00 í Grunnskólanum í Hveragerði.

Á fundinum munu Aldís Hafsteinsdóttir bæjarstjóri ræða hvað brennur á Hvergerðingum er varðar almanavarnir og Kjartan Þorkelsson lögreglustjóri á Suðurlandi um hverjar eru áherslur lögreglunnar. Þá mun Víðir Reynisson verkefnastjóri almannavarna á Suðurlandi fara yfir hvað  almannavarnir eru að gera, Hulda Ragnheiður Árnadóttir framkvæmdastjóri Viðlagatryggingar Íslands ræðir um vátryggingar í náttúruhamförum og Kristín Jónsdóttir hópstjóri náttúrvárvöktunar Veðurstofu Íslands ræðir hvernig vöktunarkerfi Veðurstofunnar virkar.

Á eftir verða umræður. Mikilvægt að íbúar kynni sér málefni almannavarna og hvernig brugðist verður við komi til almannavarnaástands. Íbúar og aðrir áhugasamir eru hvattir til að mæta.

DEILA