Afmælishátíð í Vallaskóla

Föstudaginn 31. mars var haldið upp á 20 ára starfsafmæli Vallaskóla og um leið 90 ára skólasögu á Selfossi. Nemendur og starfsfólk unnu hörðum höndum að skreytingum fyrir afmælishátíðina eins og sjá mátti á glæsilegum afrakstri vítt og breitt um skólann.

Fyrsta skólahúsið á Selfossi var byggt fyrir norðan húsið Stað í Sigtúni á bökkum Ölfusár. Grunnflötur þess var 8,8 m x 5,4 m, alls 47,5 fm fyrir 90 árum síðan. Fyrsta skólaárið var barnaskólinn enn starfandi sem farskóli og kenndi Ásthildur Pálsdóttir þeim 16 nemendum sem þá skólann sóttu. Þennan fyrsta vetur var húsið hitað upp með gömlum kolaofni úr Vesturbúðinni á Eyrarbakka. Ekki var rennandi vatn í húsinu og engin var snyrtingin en útikamar var til staðar norðan við húsið.

„Afmælishátíðin okkar tókst með eindæmum vel! Við fórum í skrúðgöngu um skólann, hlustuðum á afmæliskveðjur, dönsuðum zumba og borðuðum kökur og pizzu, alveg eins og afmæli eiga að vera, líf og fjör og gleði,“ segir í tilkynningu frá skólanum.

Nemendur í 10. bekk seldu kanilskonsur í fjáröflunarskyni.

Páll Sveinsson, skólastjóri í Vallaskóla ávarpar hátíðargesti.

Gústaf Lilliendahl var í fyrsta árganginum sem útskrifaðist úr Vallaskóla og mætti tignarlegur í skrúðgönguna.

Helga R. Einarsdóttir, furrum starfsmaður skólans til margra ára, lét sig ekki vanta.

Endurunnar Dagskrár frá 2017 voru notaðar sem fánaprik, en nemendur skreyttu þau svo með afmælisfánum sem þau bjuggu til sjálf.

Hulda Hrönn sá um að festa daginn á filmu.

Hjarta Vallaskóla, allir nemendur skólans lögðu hönd á plóg við gerð hjarta skólans sem staðsett var í miðrýminu.

Líf og fjör í zumba undir stjórn Gunnhildar Þórðardóttur.

(Afmælishátíð)

Gaman er að geta þess að gamlar Dagskrár voru notaðar við gerð fánaprikanna sem börnin skreyttu svo með afmælisfánum eins og sjá má á meðfylgjandi myndum.

(Helga í skrúðgöngu)

Helga R. Einarsdóttir, fyrrum starfsmaður skólans til margra ára, lét sig ekki vanta á afmælishátíðina.

(Páll Sveinsson)

Páll Sveinsson, skólastjóri Vallaskóla ávarpar afmælisgesti

(Gústi)

Gústaf Lillendahl tók þátt í skrúðgöngunni ásamt dóttur sinni sem er nemandi við Vallaskóla, en Gústaf var einmitt í fyrsta útskriftarárganginum úr Vallaskóla og sagðist því vera heiðursgestur á hátíðinni.