Mánudaginn 2. Janúar sl. tók Jóhanna Þorvaldsdóttir við rekstri Krílafló, básaleigu fyrir ný og notuð föt á Selfossi, af Pálínu Agnesi Kristinsdóttur. Jóhanna nýtur dyggrar aðstoðar frá eiginmanni sínum Baldvini Inga Gíslasyni í þessu nýja verkefni. „Ég tók formlega við í gær og er að kynnast ferlinu öllu, þetta er mjög spennandi. Við ætlum að halda sama fyrirkomulagi á versluninni og ætlum okkur ekki í neinar stórvægilegar breytingar til að byrja með. Áherslurnar verða allar þær sömu en langtímamarkmiðið er bara að gera meira úr þessu,“ sagði Jóhanna glöð í bragði í samtali við Dagskrána sl. þriðjudag.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.