Kaffi Krús á Selfossi fagnar 30 ára afmæli um þessar mundir og bjóða þau af því tilefni upp á alls kyns afmælistilboð í vikunni sem hægt er að fylgjast með á Instagram– og facebooksíðum Kaffi Krúsar.
„Ég er sannfærður um að það sé fyrst og fremst frábært fólk sem hefur unnið hjá mér í gegnum árin, eldað góðan mat og veitt góða þjónustu sem er lykillinn að farsælum rekstri. Það er ákveðin stöðugleiki í matnum og starfsfólkinu, gestir okkar vita að hverju þeir ganga“ segir Tómas Þóroddsson, eigandi Krúsarinnar, aðspurður hver lykillinn að því að reka eitt vinsælasta veitingahús á Suðurlandi undanfarin ár væri.
