Veitingastaðurinn Local opnaði glænýjan veitingastað í sama húsnæði og Lyfa, við Austurveg 44 síðastliðinn fimmtudag. Á Local er áhersla lögð á að bjóða hollan og ferskan skyndibita sem samanstendur aðallega af salötum, samlokum og súpum, en viðskiptavinir geta sett saman yfir 100.000 mismunandi tegundir af salötum úr salatbarnum sem er helsta einkenni staðarins. Fyrsti Local staðurinn opnaði árið 2013 í Borgartúni í Reykjavík og síðan þá hafa 5 staðir bæst við, en nýji staðurinn er sá fyrsti sem opnar utan höfuðborgarsvæðisins.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.