Paprika með hakki frá Serbíu

Dragica Petrovic.

Góður vinur minn skoraði á mig og þar sem að nú er uppskerutími í Serbíu og allt angar af grænmeti og ávöxtum, ákvað ég að henda nokkrum serbneskum uppskriftum fram úr erminni.

 

Papríka með hakki frá Serbíu

 

8-10 rauðar papríkur

3-4 gulrætur

500 g.hakk

3laukar

100 g.hrísgrjón

pipar og salt

Flysjið laukin og skerið í sneiðar. Brúnið laukinn í olíu. Rífið niður gulrætur og setjið út í. Síðan er hakkið hitað á pönnu með pipar og salti. Eftir að hrísgrjónin hafa verið soðin pá er papríkan skorin í helming og hún fyllt. Lokið paprikíkunni með 1 sneið af tómat. Láta smá vatn í pott og setjið papríkuna út í og látið sjóða í 1 ½ tíma.

Ath. alls ekki setja of mikið vatn og gott er að hreyfa aðeins við pottinum á meðan. Á eftir er papríkan sett í ofn í 15 mín í 200 C.

 

Maísbrauð (Cornbread)

 

2 bollar (2,5 dl) maísmjöl (polenta)

2 bollar hveiti

2 tsk. lyftiduft

2 bollar kotasæla

4 egg

1/2 bolli olía

mjólk eftir þörfum

Öllu hrært saman við mjólk (blandan á hvorki að vera of seig né of þykk), setja skal síðan blönduna á stórt smurt eldfast mót eða muffins form fyrir flottara útlit. Baka skal við 200°C í 30-40 mínútur þar til brauðið verður gullinbrúnt og fallegt.

 

Ofnbökuð epli

 

200 g. sykur

2 tsk. kanill

175 g. hveiti

1 tsk. salt

3 dl. kornflögur

120 g. smjör

6 – 8 epli

Blandið saman sykri, kanil, hveiti og salti. Grófmyljið kornflögurnar og blandið þeim saman við. Bræðið smjörið og hrærið það saman við kornflögublönduna. Afhýðið eplin, hreinsið kjarnann út og skerið í báta. Setjið eplabátana ásamt kornflögublöndunni í stórt smurt eldfast mót.

Bakið í 200 °C í 20-30 mín.

 

Ég þakka kærlega fyrir áskorunina og verði ykkur að góðu. Mig langar að skora á góða vinkonu mína Guðrúnu Sigríði Ingvarsdóttur.

 

 

DEILA