3.9 C
Selfoss

Emma Higgins í markið hjá Selfossstelpum

Vinsælast

Knattspyrnudeild Selfoss hefur gert eins árs samning við markvörðinn Emmu Higgins, sem kemur til félagsins frá Grindavík.

Emma er reyndur markvörður en hún er einnig markvörður Norður-Írska landsliðsins. Hún gekk í raðir Grindavíkur árið 2010 og hefur leikið þar stærstan hluta ferilsins en einnig með KR í Pepsi-deildinni árið 2012 og Doncaster Rovers Belles í Englandi árið 2013. Hún sneri svo aftur til Grindavíkur sumarið 2014.

„Emma býr yfir mikilli reynslu og þekkingu á sinni stöðu og smellur vel inn í hópinn hjá okkur. Hún kom með okkur í æfingaferð til Spánar fyrir páska og sýndi þar hvað í henni býr auk þess sem hún hefur spilað með okkur í Lengjubikarnum og staðið sig vel. Það er ótrúlega gott fyrir okkur að fá leikmann eins og hana inn í hópinn okkar. Hún er frábær karakter og smitar út frá sér til yngri leikmanna bæði í leikjum og á æfingum. Það er það sem við þurfum fyrir okkar unga og efnilega lið,“ segir Alfreð Elías Jóhannsson, þjálfari Selfoss.

Nýjar fréttir