0.5 C
Selfoss

Vel heppnuð ferð leikskólabarna á Skeiðvelli

Vinsælast

Hverjum leikskóla er það mikilvægt að eiga sér velgjörðarfólk í sínu nærsamfélagi og erum við starfsfók og börn í Leikskólanum á Laugalandi lánsöm að eiga fjölmarga slíka meðal einstaklinga, fyrirtækja og félagasamtaka hér á svæðinu.

Kata staðarhaldari á Skeiðvöllum segir börnunum frá starfinu.

Einn þessara vina okkar er fólkið á Skeiðvöllum en þar er rekin alhliða þjónusta allan ársins hring varðandi flest allt sem tengist íslenska hestinum. Á dögunum, nánar tiltekið í nóvember síðastliðnum, þáðum við heimboð frá Skeiðvöllum, einmitt í þeim tilgangi að kynnast íslenska hestinum og umhirðu um hann betur, en síðast var farið í slíka kynnisferð haustið 2015. Tveir elstu árgangarnir fóru ásamt kennurum og tók Kata staðarhaldari á móti okkur. Þess má geta að hún starfaði um skeið á Leikskólanum Laugalandi áður en hún hellti sér á fullu út í rekstur á sínu fyrirtæki.

Börnin fengu að mála skeifur í lok heimsóknarinnar.

Ferðin var afar vel heppnuð og eftir fræðslu um íslenska hestinn gafst börnunum kostur á að prófa reiðhöllina og er skemmst frá því að segja að allir skelltu sér á bak og tóku einn hring. Að því loknu var boðið upp á hressingu í veitingastofunni þar sem börnin fengu skeifur til þess að mála að vild.

Aðstaðan á Skeiðvöllum er til fyrirmyndar í alla staði og þökkum við af heilum hug fyrir velvild í garð leikskólans og frábærar móttökur. Það er nauðsynlegt fyrir börnin að kynnast sínu nærumhverfi vel og svona ferðir eru mjög góð leið til þess.

Steindór Tómasson leiðbeinandi.

Random Image

Nýjar fréttir