Um þessar mundir er verið að hefja framkvæmdir við nýjar íbúðablokkir fyrir fólk 50 ára og eldra að Austurvegi 37–39 á Selfossi, beint á móti Lyfju, Heilsuhúsinu og N1.
Í fyrsta áfanga verða byggðar tólf íbúðir sem áformað er að verði lokið á næsta ári. Í næsta áfanga verður einnig byggður bílakjallari með 18 stæðum. Alls er gert ráð fyrir 35 íbúðum í þremur húsum.
Framkvæmdaaðili verksins er Fagridalur ehf. en Pálmatré ehf. er byggingaraðili. Að sögn Pálma Pálssonar hjá Pálmatré ehf. hefjast framkvæmdir á næstunni eða þegar formlegt byggingarleyfi hefur verið afgreitt.
