Vor og tónlist fara einstaklega vel saman – og í Skálholtsdómkirkju lifnar þessi samsetning sannarlega við á næstu vikum. Fram undan er fjölbreytt og glæsilegir tónleikar þar sem kórar, hljómsveitir og listafólk af ólíkum toga stíga á svið í einni fallegustu og hljómfegurstu kirkju landsins.
Dagskráin spannar allt frá barnakórum til öflugra karlakóra, strengjasveita og alþjóðlegra gospeltónleika. Hér gefst einstakt tækifæri til að upplifa breidd íslensks tónlistarlífs, auk þess að njóta gesta erlendis frá. Hljómburður Skálholtsdómkirkju setur sterkan svip á alla tónleika og skapar hlýlegt og eftirminnilegt andrúmsloft sem laðar fram það besta í hverjum flytjanda.
Sérstaklega má nefna að 23. apríl verður sannkölluð tónlistarhátíð með þremur tónleikum sama dag, og Barnamenningardagurinn 10. maí býður upp á lifandi og fjölskylduvæna dagskrá þar sem gleði og sköpun fá að njóta sín.
Gestum er jafnframt bent á að veitingastaðurinn Hvönn í Skálholti er opinn, og er tilvalið að gera sér glaðan dag – njóta góðrar máltíðar eða kaffis fyrir eða eftir tónleika og lengja þannig upplifunina.
Allir eru hjartanlega velkomnir í Skálholt – hvort sem fólk kemur sérstaklega til að hlýða á tónlist eða gerir sér ferð í góðum félagsskap um þetta merka sögusvæði.
Listi yfir vortónleika í Skálholtsdómkirkju
Apríl
15. apríl kl. 17:00 – Barnakórar Hvolsskóla og Flóaskóla
18. apríl kl. 20:00 – Karlakór Hreppamanna
22. apríl kl. 20:00 – Vörðukórinn
23. apríl kl. 14:00 og kl 16:00 – Kór Menntaskólans að Laugarvatni
23.apríl kl. 20:00 – Kammerkórar frá Suðurlandi
25.apríl kl. 16:00 – Strengjasveitin Spiccato
30.apríl kl. 20:00 – Kór Fjölbrautaskóla Suðurlands
Maí
1. maí kl. 16:00 – Pálmi Sigurhjartarson – útgáfutónleikar
2. maí kl. 16:00 – Karlakór Selfoss
5. maí kl. 20:00 – Sunnlenskar raddir
30. maí kl. 20:00 – Sönderborg Gospel Choir
Júní
6. júní kl. 16:00 – Kór Neskirkju
