Hin árlega Uppskeruhátíð Hrunamanna fór fram á Flúðum síðastliðinn laugardag. Góð stemning var á hátíðinni þar sem gestum gafst tækifæri til að kynna sér og kaupa fjölbreyttar afurðir úr heimabyggð.
Boðið var upp á ýmislegt grænmeti og aðrar landbúnaðarafurðir auk handverks og listmuna. Uppskeruhátíðin hófst með uppskerumessu í Hruna en að henni lokinni tók við markaður í félagsheimilinu á Flúðum.
Hátíðin er árlegur viðburður sem gefur íbúum og gestum tækifæri til að fagna uppskeru ársins og styðja við framleiðendur og handverksfólk á svæðinu.
Myndir: Aldís Hafsteinsdóttir.
