Íslandsmótinu í spyrnugreinum, á malbiki, lauk um helgina með þriðju kvartmílukeppni sumarsins og stórgóðum árangri sunnlenskra keppenda.
Guðmundur Gauti Ívarsson varð Íslandsmeistari í 1000cc flokki í rallycrossi. Guðmundur er einungis 17 ára. Titillinn hjá Guðmundi réðst á síðasta riðli eftir harða samkeppni í allt sumar.
Ingvar Jóhannesson varð Íslandsmeistari í torfæru. Ingvar sigraði titilinn í lokabrautinni í síðustu keppni og það munaði einungis einu stigi á milli 1. og 2. sætis á Íslandsmótinu.
