Það verður sannkölluð söngveisla af bestu gerð í Salnum í lok maímánaðar. Tilefni tónleikanna er stofnun sjóðs í nafni okkar ástkæra tónlistarvinar og tónlistarsnillings, Jónasar Ingimundarsonar, sem sunnlendingum er vel kunnur.
Jónas bjó á Selfossi um 1970 og var þá driffjöður í tónlistarlífi staðarins. Hann kenndi tónlist, stjórnaði kórum og var órjúfanlegur hluti af tónlistarlífi landsins. Árið 2010 fékk Jónas Ingimundarson Selfosssprotann – viðurkenningu fyrir framlag sitt til menningarmála í bænum. Tónlist fyrir alla – tónleikahald sem einnig hófst undir forystu Jónasar – var honum mjög hugleikið.
Nýlega hefur Kristín Sigmundsson, óperusöngvari við Metropolitan-óperuna, haft frumkvæði að minningartónleikum til að stofna sjóð í nafni Jónasar Ingimundarsonar sem mun styrkja unga söngvara og píanóleikara til náms og á annan hátt. Allur hagnaður af tónleikunum rennur í nýstofnaðan sjóð.
Á tónleikunum kemur fram fjölbreyttur hópur klassískra söngvara sem hefur sungið víða á Íslandi og erlendis með frábærum árangri.
Við vonumst til að geta fylgt ástríðu Jónasar Ingimundarsonar og trú hans á að tónlist sé fyrir alla. Við hlökkum til að sjá ykkur sunnlendinga í Kópavogi þann þrítugasta maí klukkan tvö, á afmælisdegi Jónasar Ingimundarsonar. Það verður sannkölluð hátíðarstemning.
Söngvinir Jónasar Ingimundarsonar
