Fjóla St. Kristinsdóttir, bæjarstjóri í Árborg er ein af 120 manna hópi íslendinga sem hefur í dag ferðast frá Ísrael yfir til Amman í Jórdaníu til að komast heim úr stríði sem geysar nú í Ísrael. Fjóla deildi fallegu myndbandi með fylgjendum sínum á Facebook þegar Snorri Sigurðarson, eiginmaður hennar, faðmaði Gauta, bróður sinn sem vinnur nú að því að fljúga þeim heim í öruggt skjól.
![](https://i0.wp.com/www.dfs.is/wp-content/uploads/2023/10/387764448_10231944885103296_1681931293894295513_n-1-1.jpg?resize=696%2C1009&ssl=1)
Aldís Hafsteinsdóttir, sveitastjóri í Hrunamannahrepp er einnig partur af hópnum. Aldís setti meðfylgjandi mynd á Facebooksíðu sína fyrr í kvöld, með yfirskriftinni „Hamingjusamir og þakklátir strandaglópar á leiðinni heim í öryggið“ en áætluð koma strandaglópanna er um klukkan 3 í nótt.