Fyrsta Grýlupottahlaup á Selfossi þetta sumarið fór fram síðastliðinn laugardag, 15.apríl. Þetta er í 53. skiptið sem hlaupið er haldið. Þátttaka í fyrsta hlaupinu var góð en 126 hlauparar tóku þátt. Í fyrra var tekin í notkun ný leið en hlaupið fer nánast allt fram á malbikuðum göngustígum og endaspretturinn á tartaninu á frjálsíþróttavellinum. Vegalengdin er um 880m.
Bestum tímum náðu þau Hugrún Birna Hjaltadóttir (2008)sem hljóp á 3:17 og Óskar Dagur Kristjánsson (2010) sem hljóp á 3:24.
Grýlupottahlaupið fer fram 6 laugardaga í röð, næstu hlaup eru 22.apríl, 29.apríl, 6.maí, 13.maí og 20.maí. Keppt er í öllum aldursflokkum karla og kvenna. Að loknum 6 hlaupum eru teknir saman besti árangur úr samanlögðum fjórum hlaupum og veitt verðlaun.
Skráning fer fram í suðurenda Selfosshallarinnar og hefst klukkan 10 en hlaupið er ræst kl 11. Hlauparar eru ræstir, sex í einu, með 30 sekúndna millibili og aðalatriðið að vera með og hafa gaman.
UMFS