Dregið hefur verið úr innsendum svörum við jólamyndagátu Dagskrárinnar. Að venju var fjöldi fólks sem tók þátt í gátunni og innsend svör fjölmörg. Það var Eygló Gränz sem gerði gátuna eins og undanfarin 26 ár. Í verðlaun voru vegleg ísveisla fyrir fullorðinsmyndagátuna og frostpinnaveisla fyrir barnamyndagátuna frá Kjörís í Hveragerði. Vinningshafar eru sem hér segir:
Myndagáta fyrir fullorðna:
Alex Ægisson,
Selfossi
Barnamyndagátan:
Þráinn Hlífar Sigrúnarson 8 ára,
Hveragerði
Þess má til gamans geta að hinn 8 ára Þráinn leysti gátuna upp á sitt einsdæmi og þurfti bara hjálp við eitt orð. Vel gert Þráinn!
Fullorðinsgátan – lausn
Eftir blautt og kalt sumar hefur haustið verið gott veðurfarslega hér á landi. Öfgar í heiminum halda þó áfram og er loftslagsvánni kennt um. Þjóðir heimsins verða bara að taka höndum saman og sporna við þessari þróun ef ekki á illa að fara fyrir jörðinni og íbúum hennar. Verum góð við hvort annað.
Barnagátan – lausn
Flest börn vilja eiga snjallsíma og spjaldtölvur í dag og eru kerti og spil örugglega ekki efst á jólagjafalistanum þetta árið.
