Í Sveitarfélaginu Árborg er starfandi Forvarnateymi sem ber ábyrgð á skipulagningu og framkvæmd forvarnastarfs fyrir íbúa á öllum aldri í samræmi við markaða stefnu í forvarnamálum á hverjum tíma. Í Forvarnateymi Árborgar sitja fulltrúar frá fjölskyldusviði, leik,-grunn,- og framhaldsskólum, heilbrigðisþjónustu, lögreglu og foreldrafélögum grunnskólanna.
Í lok árs 2021 var stofnaður aðgerðahópur með fjórum fulltrúum úr Forvarnateyminu. Hópurinn sér um undirbúning og utanumhald á fræðslu á vegum sveitarfélagsins. Lögð er áhersla á að fræðsla hefjist strax á fyrstu árum barnsins og að fræðslan byggist á gagnreyndum aðferðum.
Teymið hefur sett upp forvarnadagskrá fyrir árið 2022 sem inniheldur meðal annars fræðslu um hinseginmálefni, vímuefni, svefn, lýðheilsu, kvíða, net- og tölvunotkun ásamt fleiru. Upplýsingabækling um forvarnadagskránna má finna undir ,,Forvarnir” á www.arborg.is. Einnig eru í boði 8 fræðslur á samskiptaforritinu TEAMS sem eru opnar öllum íbúum í Árborg. Þær fræðslur eru frekar miðaðar að fullorðnum og eru auglýstar nánar á www.arborg.is.
Hér má sjá drög að dagskrá fyrir fræðslufyrirlestra TEAMS árið 2022:
- 15. mars – Vímuefnafræðslan Veldu
- 5. apríl – Netnotkun og tölvuhegðun barna, Eyjólfur Örn Jónsson
- 26. apríl – Svefn ungbarna og barna, Hafdís Guðnadóttir, ljósmóðir
- 20. september – Ofbeldi ungmenna, Lögreglan | Tilkynningarskylda, fulltrúi úr Barnavernd Árborgar
- 25. október – Orkudrykkjanotkun ungmenna, Pálmar Ragnarsson
- 29. nóvember – Mikilvægi samveru fjölskyldunnar, Theodór Francis
Munum öll að forvarnir eru ekki einkamál, við höfum öll sameiginlegra hagsmuna að gæta. Forvarnir eru fjárfesting til framtíðar.
Frekari upplýsingar um forvarnir í Sveitarfélaginu Árborg má finna inn á www.arborg.is
Aðgerðahópur forvarnateymis Árborgar,
Gunnar Eysteinn Sigurbjörnsson, frístunda- og forvarnarfulltrúi,
Dagbjört Harðardóttir, forstöðumaður frístundahúss,
Díana Gestsdóttir, lýðheilsufulltrúi og
Inga Þórs Yngvadóttir, unglinga- og ungmennaráðgjafi
