Það þótti blaðamanni ekki trúlegt þegar stöllurnar Gunndís Sigurðardóttir og Hrefna Kristinsdóttir sögðust skreppa út tvisvar yfir sumarið til að dytta að garðinum kringum Pálmatrésblokkirnar við Austurveg. Garðurinn við blokkirnar og reyndar umhverfið allt hefur verið margrómað af bæjarbúum fyrir staka snyrtimennsku. Íbúarnir eru samheldnir með það að halda garðinum við, en í blíðunni í síðustu viku voru fjórar konur að snyrta til og hreinsa. „Við kannski sleppum slættinum, látum karlana um það, en annað svona grípum við í, segja þær brosandi.