Hafdís Hrönn Hafsteinsdóttir í 3. sæti á lista Framsóknarflokksins í Suðurkjördæmi

0
79

Þann 19. júní næstkomandi fer fram prófkjör Framsóknarflokksins í Suðurkjördæmi. Margt frambærilegt fólk gefur kost á sér í efstu sætin. Fólk á ýmsum aldri og allt metnaðarfullt og áhugasamt fólk, sem hefur mikinn áhuga á að taka þátt í störfum Alþingis Íslendinga. Allt þetta fólk brennur fyrir samfélagið sitt og vill veg Framsóknar á Suðurlandi sem mestan næsta kjörtímabil.

Þessir aðilar hafa ferðast um kjördæmið, kynnt sig og fyrir hvað þau standa og hlustað eftir því hvað brennur á fólki á svæðunum. Hafdís Hrönn Hafsteinsdóttir er einn þessara frambjóðenda og sækist hún eftir 3. sæti. Hún býr á Selfossi með eiginmanni sínum og tveimur dætrum. Hún er lögfræðingur að mennt og starfar við nefnd um eftirlit með lögreglu, er stjórnarformaður Félags Sameinuðu þjóðanna á Íslandi, auk þess sem hún bíður fram krafta sína hjá Kvennaráðgjöfinni. Hún tekur virkan þátt í starfi Framsóknarfélagsins í Árborg og situr í stjórn félagsins.

Helstu áherslur Hafdísar Hrannr eru atvinnumál og atvinnuuppbygging á Suðurlandi, störf án staðsetningar, niðurgreidd sálfræðiþjónusta, sókn í forvarnarmálum varðandi geðheilbrigði barna, greiða veg frumkvöðla, öruggt samfélag í sinni víðustu merkingu og margt fleyra.  Ég hvet ykkur að kíkja inn á síðuna hennar www.hafdishronn.is til að kynna ykkur nánar hver hún er og fyrir hverju hún stendur.

Ég vil greiða veg unga fólksins okkar í prófkjörinu, því styð ég Hafdísi Hrönn í 3. sæti lista Framsóknar í Suðurkjördæmi. Ég geri það af heilum huga því hún kemur mér fyrir sjónir sem ákaflega dugleg, áhugasöm og hreinskiptin ung kona. Mér finnst hún vera drifin áfram af einskærri löngun til að bæta samfélagið í kringum sig. Hún gerir það af auðmýkt og heilindum.

Við eigum svo mikið af efnilegu ungu fólki, sem vill láta til sín taka á pólitískum vetvangi og eigum við að veita þeim brautargengi til þess.

Ég styð Hafdísi Hrönn í 3.sætið.
Hrönn Guðmundsdóttir
Formaður Framsóknarfélags Þorlákshafnar og Ölfuss.

Skilja eftir athugarsemd

Vinsamlegast sláðu inn athugasemdina þína!
Vinsamlegast sláðu inn nafnið þitt hér