Umf. Selfoss sendi tvö lið til leiks á USACUP, knattspyrnumót sem fram fer í Blaine í Minneapolis í Bandaríkjunum ár hvert.
U15 ára liðið lék sex leiki á mótinu og vann alla. Liðið fékk einungis á sig tvö mörk á mótinu. Úrslitaleikurinn var gegn heimaliðinu, Minnesota RUSH frá Minneapolis og fór hann 2-1. Sindri Þór Arnarson skoraði fyrsta markið og í upphafi seinni hálfleiks jöfnuðu Rush liðar. Gunnar Rafn Borgþórsson þjálfari liðsins gerði þá þrefalda skiptingu og í næstu sókn stormuðu þeir Tryggvi Freyr Magnússon og Steinar Benoný Gunnbjörnsson upp kantinn með góð þríhyrnings spili sem endað með þrumuskoti Steinars á nærstöngina og boltinn söng í netinu. Selfoss hafði síðan tögl og hald í leiknum eftir það og sigldu sigrinum í örugga höfn.
Eldra liðið U16 komst í undnúrslit en tapaði 0-2 í hörku leik og endaði í 3.–4. sæti.
Keppendur á mótinu voru um 16.000 á aldrinum 9–19 ára og liðin um 1.300.
Keppt er á 66 völlum National Sports Center í Blaine, úthverfi Minneapolis.
Nánar má fræðast um mótið á www.usacup.org
