-5 C
Selfoss

Fjölgun félaga og nýr fundarstaður hjá Lionsklúbbi Hveragerðis

Vinsælast

Starfsárið 2018–2019 hjá Lionsklúbbi Hveragerðis hófst að venju fjórða mánudag í september og voru þá teknir formlega inn fjórir af þeim sjö sem gengu í klúbbinn á síðasta starfsári.

Auk þessara sjö félaga komu tveir nýir á þennan fyrsta fund til að kynna sér starfsemi Lions og væntir klúbburinn þess að að þeir gangi einnig í raðir hans. Þann 8. október sl. hélt Lionsklúbbur Hveragerðis fund númer 2 í sal sem hefur fengið nafnið Blómasalurinn og er til húsa við Austurmörk 4. Verða fundnir klúbbsins haldnir þar annan hvern mánudag út starfsárið. Á þessum fundi þann var starfsemi Máttarstólpa/SIBS Lífs kynnt og mætti framkvæmdastjórinn Guðmundur Löve ásamt þremum starfsmönnum Hjartaheilla. Framkvæmdu þau heilsuskoðun á fundarmönnum þar sem mældur var blóðsykur, blóðþrýstingur, blóðfita, súrefnismettun, hvíldarpúls, mittismál og gripstyrkur.

Einnig bauðst þátttakendum heilsuskoðunarinnar að taka þátt í einstaklingskönnun gegnum netið sem hjálpar þátttakanum að forðast lífsstílstengda sjúkdóma. Lionsklúbbur Hveragerðis ákvað að styrkja þetta verkefni Máttarstólpa/SÍBS Lífs um 150.000 krónur, sem er hluti af þeirri upphæð sem söfnuðust í síðasta fjáröflunarátaki gegn sykursýki á vegum klúbbsins starfsárið 2017–2018.

Framkvæmdastjóri SÍBS/Máttarstólpa Guðmundur Löve vildi koma því á framfæri, ef þessa atburðar væri minnst, að Máttarstólpar og samstarfsfélög væru meira en fús að koma til félaga samtaka, fyrirtækja og klúbba, þeim að kostnaðarlausu. Síminn er 560 4800 og netfangið sibs@sibs.is.

Nýjar fréttir