Grohe trukkurinn var í morgun við verslun BYKO á Selfossi. Þar voru kynntar allar helstu nýjungar í blöndunartækjum frá Grohe í sérútbúnum sýningarsal í Grohe trukknum. Einnig var boðið upp á hamborgara og hægt að vinna Select fótbolta í knattþrautum.
Á meðal nýjunga frá Grohe má nefna búnað sem gerir t.d. sumarhúsaeigendum viðvart í síma í gegnum app ef leki verður. Jafnframt er hægt að stöðva vatnsrennsli í gegnum símann. Einnig gat að líta sturtuklefa sem er hægt að nota sem gufubað. Þá er hægt að fá sérstakan búnað sem tengir Sodastreamtækið við vatnskranann. Þá þarf ekkert annað en setja glasið undir kranann til að fá sér sódavatn.
Margir nýttu tækifærið og skoðuðu helstu nýjungarnar frá Grohe.
