-1.5 C
Selfoss

Rannsaka andlát fransks ferðamanns

Vinsælast

Lögreglan á Suðurlandi rannsakar nú andlát fransks ferðamanns sem björgunarsveitarmenn fundu látinn í brattlendi við Sandfell í Öræfum um hádegisbil í gær. Farið var að grenslast fyrir um ferðir mannsins eftir að þjóðgarðsvörður hafði gert bílaleigu viðvart um að bifreið frá henni, Volkswagen Polo, 4 dyra, grá að lit, hafi staðið um einhvern tíma á bílastæðinu við Sandfell. Maðurinn mun hafa tekið bifreiðina á leigu til eins mánaðar þann 24. desember og síðast er vitað um ferðir hans í Skaftafelli þann 29. desember s.l. (Þetta kemur fram á facebook-síðu lögreglunnar á Suðurlandi).

Franska sendiráðið á Íslandi hefur upplýst aðstandendur mannsins um málið. Beðið er niðurstöðu réttarkrufningar um dánarmein mannsins en ekki er talið að það hafi borið að með saknæmum hætti. Hafi einhver orðið umræddrar bifreiðar var á tímabilinu frá 29. desember til 15. janúar er sá hinn sami beðinn að hafa samband við lögregluna á Suðurlandi í síma 4442000 eða með tölvupósti á sudurland@logreglan.is

Random Image

Nýjar fréttir