![Frábær söngkeppni Tvistsins og Hvolsskóla Frábær söngkeppni Tvistsins og Hvolsskóla](https://i0.wp.com/www.dfs.is/wp-content/uploads/2017/11/tvisturinn1.jpg?fit=529%2C640&ssl=1)
Söngkeppni Tvistsins og Hvolsskóla fór fram þann 7. nóvember sl. fyrir fullu húsi í sal Hvolsskóla. Nemendur skólans spreyttu sig í söng og hljóðfæraleik og atriðin voru frábær.
Freyja Benónýsdóttir fór með sigur af hólmi en hún söng lagið Runnin, upprunalega í flutningi Beyonce. Með henni á sviðinu voru þau Oddný Benónýsdóttir á píanó, Einar Sigurjónsson á bassa, Jón Ágústsson á gítar og Bjarni Sigurðsson á trommur. Í öðru sæti varð Oddný Birgisdóttir og í þriðja sæti voru Oddur Helgi Ólafsson og Svala Valborg Fannarsdóttir.