-1.7 C
Selfoss

Tvöfalt gull og silfur á Íslandsmeistaramótinu í júdó

Vinsælast

Júdódeild Ungmennafélags Selfoss (UMFS) sendi tvo keppendur á Íslandsmeistaramótið í júdó sem haldið var í Grindavík laugardaginn 14. nóvember síðastliðinn. Félagarnir Fannar Þór Júlíusson og Egill Blöndal kepptu fyrir hönd UMFS og komu báðir heim með verðlaun.

Fyrstu verðlaun Fannars í flokki 15 ára og eldri

Fannar Þór Júlíusson átti frábæran dag á dýnunni og tryggði sér silfurverðlaun. Hann vann fyrstu 2 glímur sínar af miklu öryggi og sýndi skemmtilega tilburði, en laut að lokum í lægra haldi gegn verðandi Íslandsmeistara í úrslitaglímunni.

Árangurinn er einkar glæsilegur í ljósi þess að Fannar er aðeins 17 ára gamall, og voru þetta hans fyrstu verðlaun á Íslandsmeistaramóti í flokki 15 ára og eldri.

Viktor, Egill, Skarphéðinn og Mikael. Mynd: Aðsend.

Egill með tvo Íslandsmeistaratitla til viðbótar

Egill Blöndal hélt áfram sigurgöngu sinni á árinu og stóð uppi sem tvöfaldur Íslandsmeistari. Hann vann allar sínar glímur á mótinu og tók gull bæði í +100 kg flokki og í opna flokknum.

Með þessum sigrum bætir Egill tveimur Íslandsmeistaratitlum í safnið og hefur nú unnið alls 11 Íslandsmeistaratitla á ferlinum.

Fannar Þór, Jónas og Ari. Mynd: Aðsend.

Nýjar fréttir