Sunnlenski matgæðingur vikunnar er Rúnar Helgi Sigmarsson.
Ég þakka Jón Ægi kærlega fyrir þessa áskorun.
Fiskur í veseni
3 flök af ýsu
1/2 askja Sveppir
1 Paprika
1 Laukur
Majónes
Súrmjólk
Karrí
Rifinn ostur
Salt og pipar eftir smekk
Aðferð:
- Hita ofninn í 180 gráður(á blæstri)
- Sker niður lauk, papriku, sveppi og set í skál. Bæti við majónesi og smá súrmjólk, ég er ekki með nákvæmar mælingar á hvað ég set mikið, þetta eru um 8 msk af majónesi og slump af súrmjólk til að þynna „sósuna“. Krydda vel með karrí.
- Sker hvert flak í 4-6 bita og raða í eldfast mót, krydda með salt og pipar og inn í ofn í 10 mínútur.
- Tek fiskinn úr ofninum og helli mest af vökvanum úr. Skelli sósunni yfir fiskinn, ost yfir og aftur inn í ofn þar til osturinn er bráðnaður.
Gott er að vera með soðnar kartöflur eða hrísgrjón í meðlæti. Einnig mjög gott að setja smá Lao Gan Ma crispy chili olíu yfir.
Ég ætla skora á Vignir Þór Sigurjónsson að vera næsti matgæðingur. Hann er mikill taco og kjötsúpu maður.
