Út er komin hjá Forlaginu bókin Jeppar í lífi þjóðar eftir Örn Sigurðsson, en hún bregður lifandi ljósi á þennan merkilega en lítt kannaða kafla íslenskrar samgöngusögu í máli en þó aðallega 600 einstæðum ljósmyndum. Bókin er 280 blaðsíður að lengd og er henni skipt upp í níu kafla, sem helgaðir eru helstu jeppategundum síðustu aldar, torfærukeppnum og fjallaferðum. Byrjað er á herjeppum og Willys-jeppum, en síðan koma kaflar um Land Rover, Rússajeppa, Bronco og japönsku jeppanna. Sérstakur kafli er helgaður sjaldséðari tegundum eins og Austin Gipsy, Scout og Lapplander. Víða var leitað fanga við efnisöflun, meðal annars í hinu einstaka ljósmyndasafni Héraðsskjalasafns Árnesinga á Selfossi, en þar leynast margar perlur eftir sunnlenska ljósmyndara, meðal annars Tómas Jónsson og Ottó Eyfjörð. Er mikill fengur að slíkum söfnum fyrir þá sem vinna að ritun bóka um íslenskt þjóðlíf.
