Selfossveitur, í samstarfi við Vegagerðina, hafa lokað hluta Austurvegar – þjóðvegi 1 – á Selfossi á svæðinu frá Langholti að Laugardælavegi vegna veituframkvæmda. Hjáleiðir verða um Langholt, Larsenstræti og Gaulverjabæjarveg.
Um endurnýjanir í veitukerfum Selfossveitna er að ræða til að mæta þörfum stækkandi byggðar. Vegfarendur eru beðnir um að gaumgæfa vinnusvæðamerkingar vel og fara eftir tímabundnum merkingum, því þær eiga að tryggja öryggi allra í grennd við framkvæmdasvæðið. Breytingar munu verða á skiltum og leiðbeiningum á verktíma og því mikilvægt að veita þeim fulla athygli. Aðgengi um Laugardælaveg og Langholt geta takmarkast að hluta meðan á framkvæmdum stendur. Full aðgát og tillitssemi í garð verktaka og annarra vegfarenda eru lykilatriði í að framkvæmdin gangi hratt og örugglega fyrir sig.
