1.7 C
Selfoss

Bílafloti HSU endurnýjaður

Vinsælast

Nýverið gerði Heilbrigðisstofnun Suðurlands langtíma samning við Bílaleigu Akureyrar um leigu á 16 bílum til afnota fyrir stofnunina og endurnýjaði þar með allan bílaflota sinn. Flestir bílarnir eru af gerðinni Kia Ceed og Toyota Rav 4, auk tveggja annarra bíla.

Núverandi bílar leysa af hólmi eldri bílaflota HSU sem flestir voru af Skoda gerð, orðnir gamlir, komnir í mikið viðhald og sumir hverjir mjög mikið eknir og voru orðnir stofnunni dýrir. Hagkvæmara þótti að gera leigusamning, heldur en að fara í kaup á bílum. Bílarnir hafa allir verið merktir stofnunni með áberandi hætti og sá SB skiltagerð í Þorlákshöfn um það.

Heilbrigðisstofnun Suðurlands rekur tíu starfsstöðvar um allt Suðurland, í Þorlákshöfn, Hveragerði, Laugarási, Selfossi, Hellu, Hvolsvelli, Vestmannaeyjum, Vík Mýrdal, Kirkjubæjarklaustri og á Höfn í Hornafirði. Á þessum stöðvum sinnir hjúkrunarfólk heimaþjónustu í bæjarfélögunum og út um sveitirnar og auk þess sem læknar sinna útköllum á þessum stöðum, við mjög misjafnar aðstæður allt árið, jafnvel utan alfaraleiðar. Slík þjónusta kallar á bíla sem hægt er að treysta, svo öryggi starfsfólksins sé tryggt og þjónustan skili sér á áfangastað.

Random Image

Nýjar fréttir