Nýr frisbígolfvöllur settur upp á Selfossi

Bragi Bjarnason, menningar- og frístundafulltrúi Árborgar, við nýja frisbígolfvöllinn á Selfossi. Mynd: ÖG.

Búið er að setja upp nýjan níu holu frisbígolfvöll við íþrótta­völl­inn og Gesthús á Selfossi. Völl­urinn er tilbúinn og öllum opinn til spilunar. Eftir er að setja upp kort sem sýna brautirnar en það verður gert innan tíðar.

Fleiri frisbígolfvellir eru vænt­an­legir í Sveitarfélaginu Árborg. Unnið er að gerð valla á Eyrarbakka og Stokks­eyri sem og lítils vallar á svo­kölluðum „Heiðarvegsróló“ sem er leik­svæð­ið við Heiðarveg og Kirkju­veg á Selfossi.