Lokakeppni Suðurlandsdeildarinnar fer fram í kvöld

Lið Krappa stendur efst eftir þrjár keppnir með 249 stig en þó er mikið af stigum eftir í pottinum. Liðið skipa Sigurður Sigurðarson, Lena Zielenski, Benjamín Sandur Ingólfsson, Lea Schell og Þorvarður Friðbjörnsson.
Lið Krappa stendur efst eftir þrjár keppnir með 249 stig en þó er mikið af stigum eftir í pottinum. Liðið skipa Sigurður Sigurðarson, Lena Zielenski, Benjamín Sandur Ingólfsson, Lea Schell og Þorvarður Friðbjörnsson.

Nú styttist í lokakeppni Suðurlandsdeildarinnar en keppt verður í fimmgangi í kvöld föstudaginn 17. mars í Rangárhöllinni. Útlit er fyrir æsispennandi og jafna keppni líkt og verið hefur undanfarnar þrjár keppnir. Keppni hefst stundvíslega í Rangárhöllinni kl. 18:00.

Á föstudagskvöldið mun það skýrast hvaða lið verður fyrsta liðið til þess að sigra Suðurlandsdeildina. Staðan í liðakeppninni er þannig að lið Krappa leiðir með 249 stig en þar fast á eftir kemur lið Hemlu/Hrímnis/Strandarhöfuðs með 233 stig og svo er lið Húsasmiðjunnar í þriðja sæti með 193 stig. Fræðilega séð getur lið VÍKINGanna enn þá unnið keppnina en þau eru í fjórða sæti sem stendur með 166 stig. Því er keppnin enn galopin og ómögulegt að spá til um hvaða lið stendur uppi sem sigurvegari.