Í kvöld taka verslanirnar við Larsenstræti höndum saman og halda Bleikt kvöld í tilefni Bleiks október. Opið verður til kl. 22 í mörgum verslunum á svæðinu og verður boðið upp á veitingar, flott tilboð og frábæra stemningu allt kvöldið. Opið verður í verslunum Kappahl, Bónus, Gina Tricot, Emil&Lína og Zo-On, H verslun, Penninn og Álnó.
Í Kappahl verður sérstök dagskrá frá kl. 18 þar sem ýmis fyrirtæki af svæðinu verða á staðnum að kynna vörur sínar og starfsemi og þar á meðal eru Daley kerti, Endurlífga jewellery, Lena verslun og Krabbameinsfélag Árnessýslu auk þess sem MS og Kjötbúrið verða með dýrindis mat til að smakka.
„Við hvetjum Selfyssinga til að byrja jólagjafainnkaupin snemma og versla í heimabyggð. Við tökum vel á móti ykkur á Bleiku kvöldi þann 8. október!“ segir Jóna Alla Axelsdóttir, starfsmaður Kappahl, fyrir hönd verslananna við Larsenstræti.
