Í samstarfi við Bobbý bætist við ný uppskrift í hannyrðahornið. Prjónauppskrift Bobbýjardætra að þessu sinni er herratrefill.
GARN:
Kelbourne Scout 2 hespur eða Big Bio Balance 2 hespur.
Garnið fæst hjá Bobbý Hveragerði og bobby.is
STÆRÐIR:
Lengd trefils er ca 120-150 cm.
ÞAÐ SEM ÞARF:
Hringprjóna 5 mm 60 cm eða 80 cm.
Stoppunál til að ganga frá endum.
LESIÐ VEL YFIR UPPSKRIFTINA ÁÐUR EN BYRJAÐ ER!
TÆKNIUPPLÝSINGAR :
Trefilinn er prjónaður fram og til baka með Icord kantlykkjum í báða enda.
Mynstrið er prjónað með sléttum og brugðnum lykkjum á réttu og röngu (ath mynsturteikningu, sléttar lykkjur sléttar á réttunni og brugðnar á röngunni, brugðnar lykkjur brugðnar á réttunni og sléttar á röngunni).
UPPSKRIFT:
Fitjið laust upp 44 lykkjur á 5 mm prjón og prjónið 2 lykkjur slétt (kantlykkjur). Prjónið mynstur eftir teikningu þar til að 2 lykkjur eru eftir á prjóninum, setjið þá bandið fyrir framan og takið óprjónuðu lykkjurnar 2 yfir á hægri prjón, snúið við og hafið bandið fyrir aftan og prjónið slétt þessar 2 lykkjur sem voru óprjónaðar (kantlykkjur). Prjónið mynstur eftir teikningu þar til 2 lykkjur eru eftir á prjóninum setjið bandið fyrir fram og takið óprjónuðu lykkjurnar yfir, snúið við.
Þessar umferðir eru endurteknar þar til trefillinn er hæfilega langur.
- = Brugðin lykkja á réttu en slétt á röngu.
□ = Slétt lykkja á réttu en brugðin á röngu.
Bara muna að tvær síðustu lykkjurnar eru alltaf teknar óprjónaðar yfir á hægri prjón með bandið fyrir framan og tvær fyrstu lykkjurnar eru alltaf prjónaðar sléttar.
Fellið laust af.
Þvoið trefilinn í höndum, skolið og kreistið mesta vatnið úr leggið til þerris.
Möguleiki er að setja í þvottavél ef þið treystið handþvottakerfinu ykkar og vindið aðeins í stutta stund 1-2 mín.
Okkur þætti vænt um að ef þú setur peysuna á samfélagsmiðla að merkja okkur í póstinum @bobbyjardaetur
Ef aðstoðar er þörf hafið samband við okkur í tölvupósti info@bobby.is.
Uppskrift:
Bobbýjardætur
Breiðumörk 13, Hveragerði – Sími 774 2324
info@bobby.is – www.bobby.is
