Á nýju ári fá landsmenn að njóta vandaðrar kvikmynda- og tónleikadagskrár þar sem íslenskar kirkjur og náttúra eru í aðalhlutverki. Verkefnið ber heitið Nýárstónleikar úr kirkjum og náttúru Suðurlands og er unnið af listrænu hjónunum Alexöndru Chernyshovu, sópran og tónskáldi, og Jóni Rúnari Hilmarssyni, ljósmyndara og kvikmyndagerðarmanni, í samstarfi við menningar- og fræðslufélagið DreamVoices ehf.
Um er að ræða 30 mínútna kvikmynd – tónleikadagskrá þar sem tónlistarflutningur Alexöndru fléttast saman við fallegar myndir af kirkjum víða um land og íslenskri náttúru. Markmið verkefnisins er að gera klassíska tónlist aðgengilega breiðum hópi fólks og um leið varpa ljósi á kirkjur landsins sem mikilvægan hluta menningararfs þjóðarinnar.
Upptökur fóru fram í fjölmörgum kirkjum, meðal annars í Þingvallakirkju, Skálholtskirkju, Hallgrímskirkju, auk fleiri staða. Á efnisskrá eru klassísk verk motet „Exsultate Jubilate“ eftir tónskáld Amadeus Mozart, Charles Gounod og Alexöndru sjálfa.
Alexandra er listrænn verkefnisstjóri og sér um tónlistarflutning, en Jón Rúnar annast kvikmyndatöku og myndbandsvinnslu og er framkvæmdastjóri verkefnisins. Þau hafa unnið saman að fjölmörgum metnaðarfullum verkefnum síðustu tvo áratugi, þar á meðal Magical Sky Iceland kvikmynd og frumsaminni sinfóniettu, Nýárstónleikum úr kirkjum Suðurnesja og í Hljómahöll, sem hlutu afar góðar viðtökur áhorfenda.
Verkefnið fékk styrk úr Uppbyggingarsjóði Suðurlands og einnig Kirkjusjóði Þjóðkirkjunnar.
1. janúar kl. 20:00 2026 tónlistardagskrá verður frumsýnd á netinu á heimasíðu Alexöndru og YouTube síðu Alexöndru og verður öllum opin.
Sjá heimasíðu:Alexandra Chernyshova
