Þátttaka í ensku smásagnakeppninni er fyrir löngu orðinn fastur liður í skólastarfi GÍH. Þetta er landskeppninni sem haldin er í tilefni af evrópska tungumáladeginum þann 26. september og allir grunnskólar á Íslandi megataka þátt í. Nemendur í 5. – 10. bekk í Grunnskólanum í Hveragerði taka þátt á hverju ári og verða smásögurnar að vera skrifaðar á ensku og tengjast ákveðnu þema sem að þessu sinna var orðið EPIPHANY sem þýðir UPPLJÓMUN á íslensku.
3. desember sl. var upplýst hvaða smásögur voru valdar á sýningu sem hefst á bæjarbókasafninu í Sunnumörk í desember og hvaða smásögur þóttu skara framúr í hverjum flokki fyrir sig.
Sigmar Karlsson deildarstjóri elsta stigs og Kolbrún Vilhjálmsdóttir deildarstjóri miðstigs stýrðu athöfninni og afhentu vinningshöfunum glæsileg bókaverðlaun og viðurkenningarskjal fyrir sínar smásögur, sem skólinn sendir svo í landskeppnina.
Í flokknum 5. bekkur og yngri fengu eftirtaldir nemendur bækur úr bókaflokknum “Diary of a Wimpy Kid”:
- Neisti and I eftir Huga Þór Haraldsson í 5. ADA
- Emma and Her Story eftir Hugrúnu Gunnarsdóttur í 5. BOS
- Basketball Hero eftir Ísabellu Rán Andradóttur 5. ADA
Í flokknum 6. – 7. bekkur fengu eftirtaldir nemendur bækur eftir rithöfundinn David Walliams:
- Grimm eftir Magdalenu Sigurjónsdóttur í 6. MDG
- The Last Upgrade eftir Baltasar Björn Sindrason í 7. LH
- The Volunteer Workers eftir Karítas Eddu Tryggvadóttur í 7. ISM
Í flokknum 8. – 10. bekkur fengu eftirtaldir nemendur bækur úr bókaflokknum “Harry Potter”:
- Take Aim eftir Huldu Maríu Hilmisdóttur í 10. JGJ
- Through Their Eyes eftir Briönnu Lind Sindradóttur í 9. GH
- A Life In Ink eftir Heru Fönn Lárusdóttur í 9. GH
Við þökkum öllum nemendum kærlega fyrir þátttökuna og óskum vinningshöfunum innilega til hamingju.
Genimar Adriana Aranguren Lopez
Ólafur Jósefsson
