Laus störf stuðningsfulltrúa á Sérnámsbraut – Fjölbrautaskóli Suðurlands

 Fjölbrautaskóli Suðurlands auglýsir stöðu stuðningsfulltrúa lausa til umsóknar frá 1. ágúst  2023. Um er að ræða tvö 50% störf í 9 mánuði eða 42% á ársgrundvelli .

Skriflegar umsóknir ásamt greinargerð um menntun,  fyrri störf/starfsreynslu og sakavottorð berist Fjölbrautaskóla Suðurlands,  Tryggvagötu  25, 800 Selfossi.

Leitað er eftir skipulögðum einstaklingi með mikla þjónustulund, þolinmæði og jákvæða framkomu. Mikilvægt er að viðkomandi hafi áhuga á að vinna með ungmennum með margskonar þarfir.

Stuðningsfulltrúi starfar með nemendum á sérnámsbraut, aðstoðar þau við daglegar athafnir og virka þátttöku í skólastarfinu. Hann vinnur eftir áætlunum sem kennarar setja og ýtir undir færni og sjálfstæði nemenda. Hann fylgir nemendum um skólann í frímínútum, matartímum og í vettvangsferðum á vegum skólans. Auk þess annast hann ýmis störf sem honum eru falin af yfirmanni og falla undir starfsvið hans.

Hvatt er til að fólk af öllum kynjum sæki um starfið.

Laun eru samkvæmt kjarasamningi FOSS og stofnanasamningi skólans.

Umsóknarfrestur er til 10. júní 2023.

Nánari upplýsingar um starfið veita:                                                                                Berglind Bergsveinsdóttir sviðstjóri starfsbrautar (berglind@fsu.is ) eða                                         Olga Lísa Garðarsdóttir skólameistari (olgalisa@fsu.is ) í síma 480 8100 á skrifstofutíma.

Frekari upplýsingar um skólann má finna á heimasíðu hans, www.fsu.is

Skólameistari