Þær stöllur Ása Bjarnadóttir og Halldóra Björk Guðmundsdóttir fóru af stað fyrr í vetur með þá hugmynd að setja upp sýningu undir stiganum á bókasafninu í Þorlákshöfn, þar sem lífið í Selvoginum yrði viðfangsefnið. Þær söfnuðu að sér munum, viðtölum og myndum, ásamt þeim hlutum sem fundust uppá háalofti á B götu 10. Sýningin var opnuð opnuð fyrir gestum með pompi og prakt þann 12. ágúst sl. og má segja að sjaldan eða aldrei hefur aðsóknin verið eins mikil. Sýningin verður opin virka daga kl. 12.30–17.30 út september.