Alvarlegt slys varð í hjólreiðakeppninni KIA Gullhringnum í gær við Brúará á Biskupstungnabraut skammt frá afleggjaranum inn á Skálholtsveg. Slysið átti sér stað er nokkur reiðhjól skullu saman með þeim afleiðingum að fimm keppendur féllu í götuna. Einn slasaðist alvarlega og var fluttur með þyrlu Landhelgisgæslunnar á Landspítalann í Fossvogi.

Nokkrir keppendur sem voru á undan héldu áfram og luku keppni en þeir sem fyrir aftan voru hjóluðu saman í mark í fylgd björgunarsveita.