Bæjarmálafélagið Okkar Hveragerði býður fram lista í sveitarstjórnarkosningum þann 16. maí 2026. Þetta verður í þriðja sinn sem félagið býður fram í Hveragerði. Í sveitarstjórnarkosningunum árið 2022 hlaut Okkar Hveragerði tæplega 40% atkvæða og þrjá kjörna bæjarfulltrúa. Okkar Hveragerði varð því stærsta stjórnmálaaflið í sveitarfélaginu eftir kosningarnar og fékk þannig skýran stuðning íbúa við þau málefni og gildi sem listinn stendur fyrir.
Á kjörtímabilinu 2022-2026 hefur Okkar Hveragerði verið í meirihluta í bæjarstjórn Hveragerðis og lagt áherslu á opna stjórnsýslu, lýðræðislega þátttöku íbúa og traust samstarf við samfélagið. Þær áherslur munu áfram vera í forgrunni næsta kjörtímabil. Bæjarfulltrúar Okkar Hveragerðis hafa á kjörtímabilinu fundið fyrir sterkum meðbyr og skýrum vilja íbúa til að halda áfram að styrkja Hveragerði sem fjölskylduvænt samfélag sem einkennist af samvinnu, virðingu og framsýni ásamt ábyrgri fjármálastjórn.
