Jóhanna Bríet Helgadóttir er sunnlenski matgæðingur vikunnar.
Ég vil byrja á að þakka pabba fyrir áskorunina. Mér finnst fátt jafn skemmtilegt eins og að brasa í eldhúsinu. Ég er sauðfjár- og kúabóndi svo það þarf ekki að koma neinum á óvart að ég komi hér með fljótlega aðferð við að elda ærfillet, en ég var frekar sein á vagninn að fjárfesta í airfryer og sé ekki í eina sekúndu eftir þeim kaupum.
- Ær/lambafillet í airfryer
- 600 g ær eða lambafilltet
- Kjöt og grillkrydd
- Salt & pipar
Skerið rákir í fituna og kryddið með kjöt & grillkryddinu, salti og pipar. Leyfið því að marinerast í ísskáp í 2 sólarhringa (ekki skylda, en allt kjöt verður betra þá).
Stillið airfryerinn á „Broil“ 200°C og eldið í 8 mín. á hvorri hlið. Takið kjötið út og leyfið að hvíla í 10 mín.
Brokkolísalat
- 4 sneiðar beikon
- ½ brokkolíhaus
- ½ paprika
- ½ gúrka
- 1 avakadó
- 3 msk. mæjones
- 1 tsk. karrý
- 1 tsk. chili explotion
Eldið beikonið í ofni þar til það er tilbúið. Skerið í bita og kælið. Sjóðið brokkolíið, skerið það svo í grófa bita og kælið. Skerið papriku, gúrku og avakadó smátt niður og setjið í skál. Blandið mæjonesi og kryddum saman við. Að lokum bætiði brokkolí og beikoni við.
Smjörsteiktur maís
- Maiskorn í dós
- Smjör
- Salt
- Hitið maíisinn í potti með smjöri og salti.
- Piparsveppasósa
- ½ piparostur
- ½ villisveppaostur
- 500 ml rjómi
- 1 tsk rifsberjahlaup
- 1 askja Flúðasveppir
- 1 sveppa kraftur
- Smjörklípa
- Salt & pipar
Skerið sveppi niður og steikið í potti uppúr smjöri. Rífið ostana niður á rifjárni og bætið út í ásamt rjómanum. Þegar það hefur bráðnað saman bætiði restinni út í og smakkið til með salti og pipar.
Ég vil skora á móðursystur mína, Ingveldi Guðjónsdóttur að vera næstu matgæðingur. Hún er algjör snillingur í eldhúsinu og töfrar fram þvílíku matar-og kaffiveislurnar á núll einni.
