Margt um manninn við afmælishátíð Heilsustofnunar
Það var svo sannarlega margt um manninn við Heilsustofnun síðastliðinn laugardag þegar haldið var upp á 70 ára afmæli stofnunarinnar. Veitingarnar voru ekki af verri endanum, tónlistin ómaði um túnið og ýmis afþreying var í boði fyrir yngri kynslóðina.
Héraðsskjalasafnið
„Þetta hefur gengið alveg frábærlega vel, fullt af fólki hefur mætt og nóg um að vera hjá okkur,“ segir Þórir Haraldsson, forstjóri Heilsustofnunar, ánægður í bragði þar sem hann stendur á miðri lóð við „Hælið“ sem nú fangar 70 ára afmæli.
Það var boðið upp á tómatsúpu gerða úr lífrænum tómötum sem ræktaðir voru við Heilsustofnun og má segja að súpan hafi slegið í gegn ásamt hjónabandssælu sem framreidd var í kjölfarið með þeyttum rjóma.
„Allir hafa notið dagsins og veislan var vel heppnuð,“ bætir Þórir við.
„Það mætti hér í gleðina fólk sem þekkir til og minnist sögu stofnunarinnar og heiðri hennar var haldið hér á lofti. Í húsinu hefur síðastliðin ár verið rekin læknisfræðileg, þverfagleg endurhæfing. Við erum að sýna mælanlegan árangur á því hvaða jákvæðu áhrif dvölin hefur á heilsu fólks,“ segir Þórir stoltur á svip.
Ljósmynd: Sandra.C
„Endurhæfingin er vanalega um fjórar vikur, þar sem fólk finnur frá 20% og allt upp í 28% aukningu á styrk í líkama, sér í lagi í fótum og höndum. Því eykur það á lífsgæðin og heilsan skiptir í raun öllu máli. Hefur því dvölin á stofnuninni verið mörgum afar dýrmæt.“ Bætir hann við, sannarlega ánægður með þá útkomu.
S.C
