Ben Waters er einn fremsti boogie-woogie píanisti heims, þekktur fyrir ótrúlega sviðsorku og glæstan feril. Hann spilar á yfir 250 tónleikum á ári um allan heim og er nú í hljómsveit Ronnie Wood (The Rolling Stones).
Ferillinn spannar samstarf með stærstu nöfnum rokk og blústónlistarsögunnar: Charlie Watts, Chuck Berry, Jeff Beck, Jerry Lee Lewis, Ray Davies, Brian Johnson (AC/DC) og Ritchie Blackmore, svo aðeins nokkur séu nefnd.
Hann tók einnig þátt í upptökum á plötunni Boogie for Stu til heiðurs Rolling Stones stofnmeðlimnum Ian Stewart, verkefnið sem varð upphaf að hans samstarfi við hljómsveitina.
Á sviðinu færir Ben Waters áheyrendum eldfimt boogie-woogie, rokk og blús í anda meistaranna, kryddað með litríkum sögum af ótrúlegum ferli sínum.
Hann verður á Risinu þann 29 ágúst og er frítt inn á meðan húsrúm leyfir.
Ben Waters á Risinu Vínbar þann 29 ágúst!
