Gunnar Kári Bragason hefur samið við handknattleiksdeild Selfoss en hann kemur að láni frá FH út komandi tímabil.
Gunnar Kári er 21 árs línumaður uppalinn á Selfossi. Þar steig hann sín fyrstu alvöru skref í meistaraflokki fyrir tveim árum. Síðasta haust gekk hann svo til liðs við FH þar sem hann varð deildarmeistari í Olísdeildinni í vor.
“Það er gleðiefni að fá þennan unga og efnilega Selfyssing í hópinn og það verður gaman að sjá Gunnar aftur á parketinu í vínrauðu treyjunni.”
