Valgerður Rún Heiðarsdóttir er matgæðingur vikunnar.
Ég vil byrja á því að þakka Júlíu Sjörup fyrir að skora á mig. Ég ætla að deila með ykkur góðum og auðveldum nautagúllaspottrétti sem er vinsæll á mínu heimili og góðum og fjótlegum eftirrétti.
Mango/karrý nautagúllasspottréttur
1 kg nautagúllas
1 laukur
2-3 hvítlauksrif
1 rauð paprika
1 dós ananaskurl eða bitar
1 ílát af sveppum
1 krukka mangochutney.
2-3 tsk af karrý
1 tsk chillikrydd
salt og pipar.
Byrjið á því að steikja kjötið, komið öllu hráefninu fyrir í potti og látið malla í ca klukkustund.
Með þessum rétti er tilvalið að bjóða uppá hrísgrjón, salat og smábrauð.
Heitur ávaxtaeftirréttur með ís eða daimrjóma.
Skera niður, epli, perur og ananas í eldfast mót.
Setja súkkulaði dropa yfir eða það súkkulaði sem manni finnst best.
Strá kókósmjöli yfir.
Setjið í 160 C heitan ofn í 20-25 mínútur.
Gott að hafa vanilliuís með eða daimrjóma.
Ég skora á næsta matgæðing, æskuvinkonu mína Hrönn Erlingsdóttur. Ég veit að hún á góðar uppskriftir fyrir okkur hin að njóta.
