Hljómsveitin Hr. Eydís verður að spila á næstkomandi laugardagskvöld, ALVÖRU ´80s JÓLAPARTÝ, á Sviðinu á Selfossi.
Hljómsveitin Hr. Eydís og Erna Hrönn hafa gefið út nýja ábreiðu af laginu Last Christmas en lagið Last christmas kom einmitt út á þessum degi fyrir 41 ári síðan. Lagið á sem sagt afmæli.
Þetta er eitt af þessum allra stærstu hvað jólalög varðar. Lagið var samið í febrúar 1984 en kom svo út í desember sama ár. Ein sturluð staðreynd varðandi lagið er að það náði ekki toppsætinu á breska vinsældalistanum árið sem það kom út, en í fyrsta sætinu sat „Do They Know It´s Christmas“ sem George Michael söng reyndar líka í. Það var ekki fyrr en árið 2021 sem lagið fór í fyrsta sæti breska listans, en lagið hefur komið þar við reglubundið í desember því lagið er alltaf svo vinsælt um jólin.
„Myndbandið við lagið var tekið upp á skíðasvæðinu Saas-Fee í Sviss og er alveg ógleymanlegt,“ segir Örlygur Smári söngvari og gítarleikari Hr. Eydís og bætir við, „mig hefur lengi langað að fara þangað á skíði, hver veit nema ég skelli mér í vetur“
Hlusta á lag:Last Christmas
