Sunnudaginn 7. desember munu Tóm&Sjerrí blása til hljómleika í Þorlákskirkju.
Tóm&Sjerrí er samstarfsverkefni hljómlistarmannanna Tómasar Jónssonar og Sigurðar Guðmundssonar. Báðir eru þeir orgel- og hljóðgervlaunnendur. Tóm&Sjerrí hafa síðastliðin þrjú jól gefið út tveggja laga stuttskífur með eigin kankvísum útgáfum af þekktum jólalögum undir titlinum Jól við garganið. Á sama tíma og þeir vinna hörðum höndum fjórum að útgáfu fjórða bindis stuttskífubálksins munu þeir halda hljómleika í Þorlákskirkju. Í bland við Tóm&Sjerrí katalóginn munu einnig koma fram þeir sjálfir, Sigurður Guðmundsson og Tómas Jónsson og flytja vel valdar perlur sem fólk þekkir betur og ylja rætur hjartans.
Tóm&Sjerrí í Þorlákskirkju 7. desember.
