2452

Miðvikudagur 6. júní 2018 13 DAGSKRÁIN - Fréttablað Suðurlands Örn G. Helstu magntölur eru: • Plæging blástursröra fyrir stofn- og heimtaugastrengi 11.500 m • Blástur/ídráttur röra og ljósleiðarastrengja 35.000 m • Fjöldi tenginga 850 stk • Fjöldi inntaksboxa 42 stk • Fjöldi dreifistöðva 1 stk Ljósleiðaravæðing Sveitarfélagsins Árborgar – Áfangi 1 EFLA verkfræðistofa óskar eftir tilboðum í fyrri áfanga á lagningu ljósleiðararöra, blástur og tengingar fyrir hönd Sveitarfélagsins Árborgar. Verklok eru eigi síðar en 15.10.2018. Verkið felur í sér að plægja og grafa niður ljós- leiðararör frá dreifistöð kerfisins inn á lögheimili í dreifbýli Árborgar, setja niður tengiskápa ásamt frágangi lagnaleiðar. Verkið felur einnig í sér blástur og/eða ídrátt ljósleiðararöra í fyrirliggjandi ídráttarrör sem og blástur og tengingar ljósleiðarastrengja í ljósleiðaraneti Árborgar. Útboð EFLA VERKFRÆÐISTOFA +354 412 6000 efla@efla.is www.efla.is Útboðsgögn verða afhent á rafrænu formi frá og með mánudeginum 4. júní 2018 . Þeir sem hyggjast gera tilboð í verkið skulu hafa samband við Reyni Valdimarsson með tölvupósti, reynir.valdimarsson@efla.is og gefa upp nafn, heimilisfang, síma og netfang og fá í kjölfarið útboðsgögnin send í tölvupósti. Tilboðum skal skila á Verkfræðistofuna EFLU Suðurlandi, Austurvegi 3-5, 800 Selfossi fyrir kl. 11:00 fimmtudaginn 14. júní 2018 , en þá verða þau opnuð að viðstöddum þeim bjóðendum sem þess óska. STÓÐHESTAR Tökum á móti stóðhestum í hagagöngu 6. og 7. júní. Byrjum svo á fullu 11. júní til 13. okt. Félag búfjáreigenda á Eyrarbakka Sími 699 0713 S annkölluð íþróttaveisla fer fram á Sauðárkróki dagana 12.–15. júlí næstkomandi en þá verður haldið þar Landsmót UMFÍ. Landsmót 50+ verður jafnframt haldið samhliða mótinu. Á mótinu á Sauðárkróki verður hægt að velja úr yfir 30 íþrótta­ greinum auk skemmtunar og fróðleiks. Allir 18 ára og eldri geta skráð sig, hvort sem þeir eru í íþrótta- og ungmennafélagi eða ekki. Landsmótið er tilvalinn vettvangur fyrir vinahópa, starfsmannahópa, stórfjölskylduna eða endurfundi af ýmsu tagi. Að sjálfsögðu verður margt í boði fyrir mótsgesti yngri en 18 ára. Landsmótið er því frábær skemmtun fyrir alla fjölskylduna. Þátttökugjald er 4.900 kr. til 16. júní en þá hækkar það í 6.900 kr. Ámeðal keppnisgreina eru götukörfubolti, strand­ blak, strandhandbolti og strandfótbolti. Götukarfa, strandblak, strandfótbolti og strandhandbolti á Landsmótinu Götukörfubolti Í körfubolta verður götukörfuboltakeppni þar sem er keppt utanhúss á glæsilegum plastvelli í hjarta Sauðárkróks. Leikið er á eina körfu, þrír leikmenn gegn þremur. Að hámarki fimm leikmenn eru í hverju liði en þrír inná í einu. Áætlaður leiktími er 1x8 mín. Keppt í aldursflokkum 18–29 ára, 30–49 ára og 50+ hjá körlum og konum Strandhandbolti Strandhandbolti er hraður og skemmtilegur leikur á sandvelli. Handbolti með skemmtilegu ívafi sem allir hafa gaman af. Einn aldursflokkur er, 18 ára og eldri, hjá körlum og konum. Strandblak Keppt verður í strandblaki í blönduðum liðum við sundlaug Sauðárkróks. Í hverju liði mega vera þrír leikmenn en þó einungis tveir leikmenn hvern leik; tvær konur eða karl og kona. Tveir karlmenn geta ekki verið saman í liði. Aldursflokkar eru 18–29 ára, 30–49 ára og 50+. Leiktími er 8mín. eða upp í 15 stig. Strandfótbolti Keppt verður í strandfótbolta á sérstökum sandvelli. Einn aldursflokkur er, 18 ára og eldri, hjá körlum og konum. Að hámarki eru sex leikmenn í hverju liði en fimm inná vellinum í einu. Mörk eru í sömu stærð og handboltamörk. Áætlaður leiktími er 1x8 mín. FRJÁLSAR Alls voru 98 keppendur skráðir til leiks á Vormót HSK í frjálsum íþróttum sem haldið var á Selfossvelli miðvikudags­ kvöldið 30. maí sl. Mótið átti upphaflega að fara fram 19. maí en var frestað vegna veðurs. Mótinu var svo aftur frestað 29. maí, en mikið rok var á vellinum og ljóst að hlaup og stökk hefðu ekki verið lögleg. Mótið fór svo fram í ágætu vorveðri, en reyndar voru ekki öll hlaup og stökk lögleg vegna of mikils vinds, sem má vera allt að 2 metrar á sekúndu. Tvö HSK-met voru sett á mótinu, en Hildur Helga Einars­ dóttir úr Umf. Selfoss tvíbætti HSK metið í spjótkasti í flokki 16–17 ára með 500 gr. spjóti. Hún kastaði í fyrstu tilraun 41,90 metra og bætti þar með ársgamalt met Helgu Margrétar Óskars­ dóttur um rúma tvo metra. Hún setti svo annað met síðar í kast­ seríunni, þegar hún kastaði 42,13 metra. Hildur vann til gullverð­ launa í spjótkastinu. Keppendur af sambandssvæði HSK unnu fimm aðrar greinar á mótinu, en boðhlaupsveitir Sel­ foss unnu bæði í karla- og kvennaflokki. Thelma Björk Einarsdóttir Selfossi vann tvær greinar í kvennaflokki, kastaði sleggjunni 39,44 metra og kúl­ unni 12,35 metra. Þá sigraði Ingibjörg Hugrún Jóhannesdóttir Selfossi í 800 m hlaupi kvenna á 2;59,89 mín. Þess má geta að Sindri Freyr Seim Sigurðsson Umf. Heklu hljóp á 11,74 sek. í 100 metra hlaupi, sem er betri tími en gild­ andi HSK-met í hans flokki, en meðvindur var aðeins of mikill. Heildarúrslit eru á www.fri.is og fleiri myndir frá mótinu má sjá á www.hsk.is . Hildur Helga setti HSK-met á Vormóti HSK Hildur Helga Einarsdóttir. Frá keppni í 100 metra hlaupi karla. Frá keppni í spjótkasti kvenna. Brosmildir keppendur á Vor­ móti HSK stilla sér upp eftir verðlaunaafhendingu.