Reykholtsskóli Bláskógabyggð óskar eftir að ráða þroskaþjálfa/sérkennara til starfa í 100% stöðu.

Skólinn er fyrir nemendur í 1. til 10. bekk. Í skólanum eru um 100 nemendur og þar starfa rúmlega 20 starfsmenn. Kjörorð skólans eru Virðing-Vellíðan-Samvinna. Skólinn er Grænfánaskóli og leggur áherslu á fagleg vinnubrögð, teymisvinnu, verkefnamiðað nám, fjölbreytta kennsluhætti og list- og verkgreinar.

Reykholtsskóli er annar tveggja grunnskóla Bláskógabyggðar. Gott samstarf er við

leikskólann Álfaborg í Reykholti, Bláskógaskóla Laugarvatni, Kerhólsskóla í

Grímsnes- og Grafningshreppi og Flúðaskóla.

Menntunar- og hæfniskröfur:

• Góð samskipta- og samstarfsfærni og sjálfstæð vinnubrögð
• Háskólamenntun á sviði þroskaþjálfunar og starfsleyfi sem slíkur eða framhaldsmenntun í sérkennslufræðum

Verkefni og ábyrgðarsvið:

• Vinnur að menntun barns/barna með sérþarfir þar með talið að skipuleggja kennslu viðkomandi í samvinnu við umsjónarkennara
• Gerir skriflegar einstaklingsnámskrár fyrir það barn/börn sem hann er með í stuðning í samstarfi við umsjónarkennara og aðstoðarskólastjóra
• Starfar í teymi þess barns/barna sem hann er með í stuðning
• Er leiðbeinandi fyrir annað starfsfólk varðandi stuðning við nemendur með sérþarfir

Umsækjendur þurfa að sýna fram á hreint sakavottorð.

Starfið hentar einstaklingi óháð kyni.

Umsóknir sendist á Láru B. Jónsdóttur, skólastjóra, sem veitir einnig nánari upplýsingar. Netfangið er lbj@reykholtsskoli.is og símanúmerið 480 3020 .

Umsóknarfrestur er til 30. júní 2022.