Grímsnes- og Grafningshreppur hefur ákveðið að selja lausafjármuni í eigu sveitarfélagsins í gegnum rafrænt uppboð á vefnum uppbod.com, í samstarfi við umboðsaðila þar. Markmiðið með þessari aðferð er að auka gagnsæi í meðferð eigna sveitarfélagsins, auðvelda almenningi aðgang að söluferlinu og gefa eldri munum tækifæri á nýju og gagnlegu lífi hjá nýjum eigendum.
Grímsnes- og Grafningshreppur greinir frá þessu á heimasíðu sinni.
Þessi sala er hluti af ábyrgri og faglegri nálgun sveitarfélagsins í meðferð opinberra eigna, þar sem sjálfbærni og endurnýting eru í fyrirrúmi. Munirnir sem verða boðnir upp eru ekki í virkri notkun og þjóna ekki lengur þörfum sveitarfélagsins í daglegum rekstri.
Uppboðið fer fram á www.uppbod.com, þar sem hægt er að kynna sér nánar hvaða hlutir eru í boði, tímasetningar og hvernig uppboðið fer fram. Bæði einstaklingar og fyrirtæki eru hvött til að skoða úrvalið og taka þátt – þar gefst tækifæri til að eignast nytsamlega muni á hagkvæmu verði.
Með þessu framtaki vill sveitarfélagið stuðla að skynsamlegri nýtingu opinberra eigna og hvetja til umhverfisvænna lausna í rekstri og samfélagi.
