Prjónauppskrift mánaðarins frá Bobbýjardætrum er Bjartur kisuhúfa.
Stærðir
| Aldur | 3-6 mán | 6-12 mán | 1-2 ára | 2-3 ára | 3-4 ára |
| Ummál | 40-42 | 44-46 cm | 46-50 cm | 50-54 cm | 52-54 |
Athugið að börn eru misjafnlega höfuðstór og því er góð regla að taka mál af ummáli höfuðs. Stærðir hér að ofan eru aðeins til viðmiðunar.
GARN:
Bamboo frá Viking-garn 50 gr. = 110 m.
Garnið fæst hjá Bobbý Hveragerði og bobby.is.
| Aldur | 3-6 mán | 6-12 mán | 1-2 ára | 2-3 ára | 3-4 ára |
| Garnmagn | 50 gr. | 100 gr. | 100 gr. | 100 gr | 100 gr. |
| Garn íandlit | 50 gr. | 50 gr. | 50 gr. | 50 gr. | 50 gr. |
Notið dekkra garn en er í húfunni til að sauma andlitið.
Prjónfesta: 22 L / 10 cm á prjóna nr.3.5.
ÞAÐ SEM ÞARF:
Hringprjóna nr. 3 og 3.5 40 cm. og nál til að sauma andlit og til frágangs.
TÆKNIUPPLÝSINGAR:
Húfan er prjónuð í hring, með stuttum umferðum til að mynda eyrnaflipa, ekki er gert ráð fyrir eyrnaflipa á tveimur stærstu stærðunum.
Kisuandlitið er saumað í með flatsaumi og lykkjuspori.
Flatsaumur: https://www.garnstudio.com/video.php?id=1661&lang=is
Lykkjuspor: https://www.garnstudio.com/video.php?id=40&lang=is
STUTTAR UMFERÐIR
Prjónið 2 lykkjur og snúið við, fyrsta lykkja tekin óprjónuð fram af með bandið fyrir framan, prjónið brugðið til baka 3 lykkjur = 4 á prjóninum, þetta eru lykkjurnar sem munumynda eyrnaflipa, snúið við. Fyrsta lykkja er tekin fram af með bandið fyrir aftan, prjóna slétt = 5 lykkjur.
Þetta er gert þar til að lykkjufjölda er náð á eyrnaflipanum!
BJARTUR KISUHÚFA – UPPSKRIFT
Fitjið upp 80 – 96 –104 – 108 – 108 lykkjur á prjón 3 mm setjið prjónamerki í byrjun til að marka upphaf og endi á umferðum.
Prjóna stroff 1 slétt og 1 brugðin 3 umferðir á þremur minnstu stærðunum, 5-6 umferðir á stærstu húfunni.
EYRNAFLIPAR MÓTAÐIR:
ÞRJÁR MINNSTU STÆRÐIRNAR: Prjónið 16 – 19 – 21 lykkjur slétt, snúið við. Prjónið 2 lykkjur, snúið við (stuttar umferðir). Munið að taka fyrstu lykkjuna óprjónaða fram af með bandið fyrir framan þegar prjóna á brugðið og bandið fyrir aftan þegar prjónað er slétt.
Þetta er endurtekið þar til að lykkjurnar eru orðnar 20 – 26 – 27 L.
Nú er fyrri eyrnaflipinn kominn og þá eru prjónaðar 61 – 73 – 88 lykkjur slétt, talið frábyrjun prjóns (prjónamerki) þá er seinni eyrnaflipi mótaður, snúið við, prjónið 3 lykkjur, snúið við, svona er haldið áfram þar til að lykkjufjölda er náð 20 – 26 – 27 L.
Klárið umferðina að prjónamerki!
Allar stærðir:
Prjónið slétt prjón þar til að stykkið mælist ca 14 – 15 – 17 – 18 – 19 cm.
Prjónið saman kollinn á röngunni.
BÖND Á HÚFUNA:
Takið upp 3-4 lykkjur neðst á eyrnaflipanum og prjónið Icord snúru ca 15-20 cm. eða gerið snúruna í snúruvél.
Andlitið á kisu er svo saumað með lykkjuspori og flatsaumi.
Finnið miðjuna að framan og staðsetjið andlitið eftir því.
Gott að þræða spotta í miðjuna svo kisa verði á miðjunni.
Kisuandlitið er saumað í með flatsaumi og lykkjuspori.
Flatsaumur: https://www.garnstudio.com/video.php?id=1661&lang=is
Lykkjuspor: https://www.garnstudio.com/video.php?id=40&lang=is
